Մենք հավատում ենք, որ ոչ ֆորմալ կրթության մեթոդաբանությունը, լինելով ինտերակտիվ, մասնակցային և փորձարարական, պատասխանում է երիտասարդների կարիքներին և հետաքրքրություններին: Ոչ ֆորմալ կրթությունը հիմնված է ներառական և մասնակցային արժեքների վրա և առաջարկում է բովանդակային հզորացում երիտասարդների համար: Ոչ ֆորմալ կրթությունը` որպես մեթոդ, Սահմանաբնակ երիտասարդների յուրաքանչյուր գործունեության հիմքն է: Այն ներառում է սեմինարներ, դասընթացներ, մենթորություն, ուսումնական այցեր, բանավեճ, քննարկում և այլն:

FYN-ը «ՍերմանելOFF ՓոփոխությON» ամառային դպրոցի շուրջ է համախմբում Հայաստանի բոլոր մարզերից 16-24 տարեկան շուրջ 20 երիտասարդների։ Ամառային դպրոցի 5 օրերը հագեցած են տարաբնույթ թեմաների մասին դասընթացներով՝ մատուցված ոչ ֆորմալ կրթության մեթոդով։ Դասընթացները հիմնված են «ՍերմանելOFF ՓոփոխությON» ձեռնարկի հիման վրա և նպատակ ունեն դպրոցի ավարտին ունենալ իրազեկ քաղաքացիներ և համայնքային երիտասարդ ակտիվիստներ։
Ամառային դպրոցի ավարտից հետո մասնակիցները հնարավորություն ունեն դիտորդական մասնակցություն ունենալու FYN-ի ամենամյա Գլխավոր Խորհրդի նիստին և ականատես լինելու թափանցիկ ժողովրդավարական գործընթացներին։