Խաղաղաշինական կրթություն — Սահմանաբնակ երիտասարդների ներուժի բացահայտում

Հավելվածի մշակման ծառայություն․ աշակերտի համար ուսումնաօժանդակ խաղային հավելվածի ստեղծում

Ներածություն

1.1. Կազմակերպության մասին

Frontline Youth Network կամ Սահմանաբնակ երիտասարդների ներուժի բացահայտում ՀԿ-ն երիտասարդական հարթակ է, որ միավորում և հզորացնում է մարզաբնակ և սահմանաբնակ երիտասարդներին։

Մեր տեսլականն է ունենալ կայուն խաղաղություն։

Մեր առաքելությունն է համախմբել և հզորացնել երիտասարդներին՝ ստեղծելով հնարավորություններ քաղաքական և սոցիալական կյանքում ներազդեցություն ունենալու համար։

Մեր արժեքներն են՝

խաղաղություն
բնապահպանություն
իրավահավասարություն
ներառականություն
մասնակցայնություն

Մեր մասին՝ www.frontlineyouth.net

1.2. Ծրագրի մասին

«Խաղաղաշինական կրթություն Տավուշում» ծրագիրն իրականացվում է ՍԵՆԲ կողմից՝ Եվրոպական միության ֆինանսավորմամբ ու «Մարդը կարիքի մեջ» հասարակական կազմակերպության հայաստանյան գրասենյակի կողմից իրականացվող «Քաղաքացիական հասարակության դերակատարները՝ որպես փոփոխությունների կրողներ Հարավային Կովկասում և Մոլդովայում» ծրագրի շահերի պաշտպանության արշավի ենթադրամաշնորհի շրջանակներում։

Ծրագրի նպատակն է խրախուսել խաղաղության վերաբերյալ երիտասարդների վերաբերմունքային և վարքագծային փոփոխությունը։

Խնդիր 1՝ ինտեգրել կրթական համակարգում կոնֆլիկտի խաղաղ հաղթահարման և խաղաղաշինության մասին որակյալ այլընտրանքային բովանդակություն՝ երիտասարդներին տրամադրելով կոնֆլիկտի լուծման հիմնական հմտություններ և գործիքներ։

Խնդիր 2՝ փոխակերպել առկա խաղաղության պատմույթը (peace narrative)՝ դարձնելով այն ավելի որոշակի, մասնակցային, արդյունավետ՝ իրազեկելով և խրախուսելով երիտասարդների և կանանց ակտիվ ներգրավվածությանը խաղաղաշինական գործընթացներում։

Ակնկալվող արդյունք՝

1. հասարակագիտության ուսուցչի ոչ-ֆորմալ ուսումնաօժանդակ ձեռնարկ հասանելի ՀՀ բոլոր դպրոցների համար (հանրակրթական դպրոցների քանակը՝ 1432),

2. առնվազն 20 վերապատրաստված մասնագետ Տավուշի մարզի 4 համայնքներից

3. ինտերակտիվ խաղ աշակերտների համար,

4. իրազեկվածության բարձրացման արշավ՝ ուղղված կանանց և երիտասարդների՝ խաղաղաշինական գործընթացներում մասնակցայնության խրախուսմանը (համաձայն՝ ՄԱԿ Անվտանգության խորհրդի 1325 «Կանայաք, անվտանգություն և խաղաղություն» բանաձևի և ազգային ծրագրի (գործող 2019-21) և «Երիտասարդներ, անվտանգություն և խաղաղություն» 2250 բանաձևի)։

Ակնկալվող ազդեցություն՝ խաղաղաշինության վերաբերյալ գիտելիքահեն մոտեցման խրախուսում ուսուցիչների շրջանում, երիտասարդների մասնակցայնության խրախուսում խաղաղաշինության գործընթացներում, համագործակցություն դպրոցների հետ, խաղաղության վերաբերյալ զրույցների ավելացում։

2. Ծառայության նկարագիր

2.1 Պահանջվող որակավորումները

ՏՏ ոլորտում բարձրագույն կրթություն
5 տարվա ոլորտային աշխատանքային փորձ
android և/կամ ios համակարգերի իմացություն
mobile app (հավելված) ստեղծելու փորձ
UX-friendly (user experience) դիզայնի ադապտացման կարողություն

2.2 Աշխատանքի բնութագիրը

հավելվածի կառուցվածքի ստեղծում
հավելվածի բովանդակության մուտքագրում
հավելվածի պրոտոտիպի ներկայացում
հավելվածի փորձարկում և կիրառկում
հավելվածի լավարկում
հաշվետվողականություն և թիմային աշխատանք

3. Պայմաններ

Ծառայության արժեքը՝ 20-30 $/ժամ (ծառայության վճարումը՝ դրամով (ներառյալ հարկերը))

Ծառայությունը մատուցել՝ 60 օրերի ընթացքում (փետրվար-ապրիլ 2022)

4. Դիմում

Դիմել կարող են, ինչպես անհատ մասնագետներ, այնպես էլ թիմեր։ Բոլոր հետաքրքրված դիմորդները կարող են իրենց աշխատանքային թղթապանակը ուղարկել [email protected] և [email protected] էլ․ հասցեներին մինչև փետրվարի 7-ը։ Նշված չափանիշներին համապատասխանող մասնագետները կհրավիրվեն հարցազրույցի, որից հետո կսկսվի աշխատանքը։