FYN-ը հայտարարում է աջակից թիմի (կազմակերպչական թիմ) ընդունելություն իր երկրորդ ուսումնական ծրագրի՝ «ՍերմանելOFF փոփոխությON» ամառային դպրոցի համար, որ տեղի կունենա հուլիսի 1-4-ը Սևանի ափին գտնվող Հայկական Ճամբարում։
«ՍերմանելOFF փոփոխությON» ամառային դպրոցը նախատեսված է 16-24 տարեկան երիտասարդների համար, որոնք ցանկանում են խորացնել իրենց գիտելիքներն ակտիվիզմի և ջատագովության (շահերի պաշտպանություն) ոլորտում և սովորել բնապահպանություն, մարդու իրավունքներ և խաղաղաշինություն թեմաների մասին։
![](https://frontlineyouth.net/wp-content/uploads/2022/01/photo_2021-12-29_11-55-32.jpg)
![](https://frontlineyouth.net/wp-content/uploads/2021/08/240976130_382555123349111_7014405306874195420_n-scaled.jpg)
![FYN CAMP](https://frontlineyouth.net/wp-content/uploads/2021/08/234600534_1153896431787838_8467659230383379864_n-1.jpg)
Ամառային դպրոցը իրականացվում է ոչ ֆորմալ կրթության ձևաչափով։ Տևողությունը 4 օր է, որտեղ մեկ ամբողջական օրը ներառում է 4 թեմատիկ դասընթաց (տեսական և գործնական), առավոտյան և երեկոյան ժամանց, ներառյալ՝ յոգա, կինոդիտում, սեղանի խաղեր և այլն։ Ուսուցումը կազմակերպվելու է՝ հիմնվելով «ՍերմանելOFF փոփոխությON» երիտասարդ ակտիվիստի ձեռնարկի վրա։
Աջակից թիմը պետք է նախապատրաստական աշխատանքներին տրամադրի շաբաթական 4-6 ժամ, պարտականությունները ներառում են՝
- օժանդակել օրակարգի և դասընթացների բովանդակության մշակմանը
- մասնակցել կազմակերպչական հանդիպումներին (անցանց, առցանց)
- մասնակցել մասնակիցների ընտրության աշխատանքներին
- մասնակցել ամառային դպրոցին՝ որպես կազմակերպիչ, դասընթացավար, ֆասիլիտատոր
- մասնակցել միջոցառման գնահատմանն ու հաշվետվության կազմելուն։
![](https://frontlineyouth.net/wp-content/uploads/2021/12/IMG_8419-scaled.jpg)
![](https://frontlineyouth.net/wp-content/uploads/2021/12/IMG_8524-1-scaled.jpg)
![](https://frontlineyouth.net/wp-content/uploads/2021/12/IMG_8449-scaled.jpg)
![](https://frontlineyouth.net/wp-content/uploads/2021/12/alina.jpg)
![](https://frontlineyouth.net/wp-content/uploads/2021/12/IMG_8217-scaled.jpg)
![](https://frontlineyouth.net/wp-content/uploads/2021/12/IMG-ab0dc4d972e117378081d8fb60b714b6-V-2.jpg)
![](https://frontlineyouth.net/wp-content/uploads/2021/12/մամիկոն.jpg)
![](https://frontlineyouth.net/wp-content/uploads/2021/12/hgdtfh.jpg)
![](https://frontlineyouth.net/wp-content/uploads/2021/12/dfg.jpg)
Աջակից թիմում լինելը Ձեզ կտա փորձառու և բազմամասնագիտական թիմում աշխատելու հնարավորություն, կզարգացնեք ոչ ֆորմալ կրթության վերաբերյալ պատկերացումը, կտիրապետեք միջոցառման կազմակերպման տրամաբանությանը՝ օրակարգի մշակումից մինչև գնահատում։ Կստանաք փաստող վկայագիր կամ երաշխավորագիր՝ ըստ անհրաժեշտության։
Աջակից թիմին միանալու համար, անհրաժեշտ է լրացնել կից հայտը՝ կցելով ինքնակենսագրական։ Դիմելու վերջնաժամկետն է ապրիլի 10-ը։
Ամառային դպրոցի մասնակցության հայտերը կբացվեն մայիսի 1-ից։