- Ներածություն
1.1 Կազմակերպության մասին
Frontline Youth Network կամ Սահմանաբնակ երիտասարդների ներուժի բացահայտում ՀԿ-ն երիտասարդական հարթակ է, որ միավորում և հզորացնում է մարզաբնակ և սահմանաբնակ երիտասարդներին և կանանց։
Մեր տեսլականն է ունենալ կայուն խաղաղություն։
Մեր առաքելությունն է համախմբել և հզորացնել երիտասարդներին և կանանց՝ ստեղծելով հնարավորություններ քաղաքական և սոցիալական կյանքում ներազդեցություն ունենալու համար։
Մեր արժեքներն են՝
- խաղաղություն
- բնապահպանություն
- իրավահավասարություն
- ներառականություն
- մասնակցայնություն
Մեր մասին՝ www.frontlineyouth.net
1.2 Ծրագրի մասին
«Խաղաղաշինական կրթության խթանումը հանրակրթական դպրոցներում» ծրագիրն իրականացվում է ՍԵՆԲ կողմից՝ Միացյալ Թագավորության կառավարության «Հակամարտությունների, կայունության և անվտանգության հիմնադրամ»-ի (CSSF) աջակցությամբ և Կին խաղաղարարների համաշխարհային ցանցի (GNWP) հետ համագործակցությամբ։
Ծրագրի նպատակն է նպաստել խաղաղաշինական որակյալ կրթությանը և խրախուսել երիտասարդների վերաբերմունքի ու վարքագծի փոփոխությունը խաղաղ գործընթացների նկատմամբ:
Ծրագրի խնդիրներն են՝
1. Ներկայացնել խաղաղության բաղադրիչը ֆորմալ կրթության մեջ և նպաստել վերափոխման գործընթացին:
2. Հարստացնել և կատարելագործել ուսուցիչների և ուսանողների պատկերացումները խաղաղաշինության և կոնֆլիկտների հաղթահարման գործընթացների վերաբերյալ:
Ակնկալվող ազդեցությունը ուսուցիչների շրջանում խաղաղաշինության ոլորտում գիտելիքի վրա հիմնված մոտեցման խթանումն է, խաղաղաշինության գործընթացներում երիտասարդների մասնակցության խթանումը, դպրոցների հետ համագործակցությունը և խաղաղաշինության վերաբերյալ քննարկումների խթանումը։
2. Փորձագիտական ծառայություն
- Մեկ Կրթության փորձագետ
- Մեկ Կոնֆլիկտի և խաղաղության ուսումնասիրությունների փորձագետ
2.1 Պահանջվող որակավորումները
- համապատասխան բարձրագույն կրթություն
- տեղական և միջազգային համապատասխան փորձ հասարակագիտական ոլորտում
- 5 տարվա ոլորտային աշխատանքային փորձ
- տեքստի հետ աշխատելու և ձեռնարկ մշակելու կարողունակություն (գիտելիք, հմտություն, փորձ)
- հայերենի գերազանց իմացություն
- ֆորմալ կամ ոչ ֆորմալ կրթության փորձ
3. Պայմաններ
Ծառայության մատուցման արժեքը մրցութային է։
Ծառայությունը մատուցման ժամկետը՝ չորս ամիս (հոկտեմբեր — փետրվար 2023)
- ֆիզիկական հանդիպում (առնվազն 2 աշխատաժողով և կլոր սեղան քննարկումներ)
- տեքստի հետ աշխատանք (մոտ 25-30 էջ)
- հեռավար աշխատանք (շաբաթական 10 ժամ)
- թիմային աշխատանք
4. Դիմում
Բոլոր հետաքրքրված մասնագետները կարող են իրենց ինքնակենսագրականը և համապատասխան աշխատանքային պանակը (ձեռնարկ, հետազոտություն, հոդված կամ այլ) ուղարկել [email protected] և [email protected] էլ․ հասցեներին՝ նշելով ծառայության անունը (կետ 2)։ Նշված չափանիշներին համապատասխանող մասնագետները կհրավիրվեն հարցազրույցի, որը հաջող հաղթահարելուց հետո կսկսվի աշխատանքը։
Հայտերն ընդունվում են մինչև հոկտեմբերի 16-ը, ժամը՝ 18։00։
