Փետրվարի 12-ին Եվրոպական միության ֆինանսավորմամբ կայացավ «Խաղաղաշինական կրթությունը Տավուշում» ծրագրի ամփոփիչ աշխատաժողովը։ Հանդիպման նպատակն էր <<Հասարակագիտություն>> առարկայի ուսուցչի համար ստեղծվող ուսումնաօժանդակ ձեռնարկի բովանդակության վալիդացումը։
![](https://frontlineyouth.net/wp-content/uploads/2022/02/273640856_493327165637452_2546344353041689652_n-1024x683.jpg)
Նախ նշենք, որ մեր ամփոփիչ աշխատաժողովին ներկա էին խաղաղության ուսումնասիրությունների և կրթության փորձագետներ, ուսուցիչներ, ՔՀԿ ներկայացուցիչներ և թեմայով հետաքրքրված անհատներ։ Եզրափակիչ աշխատաժողովի առաջին մասում պանելային քննարկման ժամանակ փորձագետները ներկայացրեցին իրենց կատարած աշխատանքը։ Երկրորդ փուլում ծավալվեց բուռն քննարկում փորձագետների և լսարանի միջև։ Հանդիպումը կառուցողական էր, և կողմերը միտված էին առավելագույն արդյունքի հասնելուն։ Ուրախությամբ նշենք, որ փորձագետների ելույթներն ուղիղ եթերով ցուցադվել են, ուստի հնարավորություն ունեք դիտելու մեր հանդիպման տեսաձայնագրությունը և հայտնել Ձեր կարծիքը (տես՝ այստեղ)։
![](https://frontlineyouth.net/wp-content/uploads/2022/02/273619530_1409301632822560_5079298596871208209_n-1-683x1024.jpg)
![](https://frontlineyouth.net/wp-content/uploads/2022/02/273669314_4787129154735854_493546581424151295_n-1024x683.jpg)
![](https://frontlineyouth.net/wp-content/uploads/2022/02/273987224_332891955266245_1944493061808143299_n-1024x683.jpg)
![](https://frontlineyouth.net/wp-content/uploads/2022/02/273830962_525822329062982_3330924950777139543_n-683x1024.jpg)
Հիշեցնենք, որ ծրագրի նպատակներից է ինտեգրել կրթական համակարգում կոնֆլիկտի խաղաղ հաղթահարման և խաղաղաշինության մասին որակյալ այլընտրանքային բովանդակություն՝ ստեղծելով հասարակագիտության ուսուցչի ուսումնաօժանդակ ձեռնարկ։ Ծրագրի հաջորդ փուլում կստեղծվի բջջային հավելված աշակերտների համար, որի միջոցով երիտասարդները հնարավորություն կունենան ինտերակտիվ, թվային տարբերակով սովորելու, խաղալու և զարգացնելու իրենց խաղաղաշինական գիտելիքները։
![](https://frontlineyouth.net/wp-content/uploads/2022/02/273767934_3374029612721396_5464449646575923095_n-683x1024.jpg)
![](https://frontlineyouth.net/wp-content/uploads/2022/02/273600776_1371243633307488_4500470241727955844_n-1024x683.jpg)
![](https://frontlineyouth.net/wp-content/uploads/2022/02/273602743_642603117071516_2009247923658544089_n-1024x683.jpg)
![](https://frontlineyouth.net/wp-content/uploads/2022/02/273625446_367933334790626_5514489953015489535_n-683x1024.jpg)
![](https://frontlineyouth.net/wp-content/uploads/2022/02/273924207_474144024416096_379091982738679782_n-1-1-683x1024.jpg)
«Սահմանաբնակ երիտասարդների ներուժի բացահայտում» հասարակական կազմակերպությունն իրականացնում է շահերի պաշտպանության արշավ Եվրոպական միության ֆինանսավորմամբ ու «Մարդը կարիքի մեջ» հասարակական կազմակերպության կողմից իրականացվող «Քաղաքացիական հասարակության դերակատարները՝ որպես փոփոխությունների կրողներ Հարավային Կովկասում և Մոլդովայում» ծրագրի ենթադրամաշնորհի շրջանակում։